concurso

V Concurso de Fotografía “Paisaxes de Boqueixón

O concello de Boqueixón convoca a 5ª edición do Concurso de Fotografía “Paisaxes de Boqueixón, coa finalidade de fomentar a creatividade e dar a coñecer ao público en xeral a diversidade e riqueza histórica, cultural, etnográfica e paisaxística do concello.

Bases:

1.Participantes e número de fotografías

Poderá participar no concurso toda persoa física que o desexe e cumpra as presentes bases. Cada participante poderá presentar ata un máximo de tres fotografías.

2.Temática

As fotografías versarán sobre aspectos que reflicten a riqueza histórica, cultural, etnográfica e paisaxística do noso concello, debendo estar tomadas, polo tanto, dentro do termo municipal de Boqueixón.

3.Premios

Entre as fotografías presentadas seleccionaranse doce, e destas, elixiranse as tres gañadoras do concurso. Os premios entregaranse en forma de vale a empregar en calquera establecemento de Boqueixón:

Primeiro premio: VALE DE 200 €

Segundo premio: VALE DE 100 €

Terceiro premio: VALE DE 50 €

As doce fotografías seleccionadas pasarán a ser propiedade do concello de Boqueixón, que se reservará todos os dereitos para o seu emprego, reprodución, e difusión, facendo mención da súa autoría. Estas obras serán publicadas no calendario do 2018 que edita o concello.

4.Inscrición e participación

  • A inscrición será online en boqueixon.com: cada participante deberá cumprimentar a folla de inscrición e enviar as fotografías en formato .JPG nun arquivo que leve o nome do título da fotografía, cunha resolución mínima de 2000×1500 px.
  • O autor/-a das fotografías asume calquera responsabilidade derivada da aparición de persoas recoñecibles na mesma.
  • O prazo de presentación dos traballos remata o 3 de novembro de 2017.
  • A organización presupón que os/-as participantes que inscriben as obras presentadas posúen os dereitos das mesmas. En calquera caso, a organización exímese de calquera responsabilidade derivada da infracción desta base.
  • Todas as fotografías que tomen parte neste concurso serán susceptibles de ser empregadas na promoción turística do concello de Boqueixón e pasarán a formar parte do seu arquivo fotográfico.

5.Xurado, fallo e entrega de premios

Un xurado determinado polo concello de Boqueixón revisará as fotografías e fará público o seu fallo o día 16 de novembro, a través do taboleiro de anuncios do concello, en www.boqueixon.com e individualmente aos doce autores/-as seleccionados e aos tres premiados/-as. Este fallo será inapelable.

Os premios recolleranse na casa do concello na última semana do mes de novembro.

6.Aceptación das bases

A organización reservase a facultade de resolver calquera continxencia non prevista nas bases. A concorrencia a este concurso implica a aceptación das presentes bases.

Máis información no Servizo de Arquivo e Biblioteca de Boqueixón

(Teléfono: 981.513.061)

concurso

INSCRICIÓN V CONCURSO DE FOTOGRAFÍA “Paisaxes de Boqueixón”

  • Tipos de archivos aceptados: jpg.
  • Tipos de archivos aceptados: jpg.
  • Tipos de archivos aceptados: jpg.

Concello de Boqueixón. Teléfono 981 513061 | Condicións de uso e Política de privacidade

Uso de cookies

Informámoslle de que esta web usa cookies. Faga click na nosa política de cookies, para máis información.

ACEPTAR
Aviso de cookies