No mes de febreiro remataron as obras de remodelación do Pavillón Polideportivo do Forte, que foi realizado pola empresa ourensán Benigno Álvarez S.L. e onde se investiron un total de 200.093,71 euros, o que significou unha baixa de 34.527,70 €, con referencia ao tipo de licitación. Esta última cantidade será empregada polo concello en levar o servizo de abastecemento de auga á aldea de Rubio (Vigo)

As obras tiveron como actuacións máis significativas cambiar a totalidade da cuberta e substituír a pista de xogo por unha superficie homoxénea de material gomoso. Como modificación do proxecto orixinal, a dirección de obra decidiu cambiar a apertura de ocos nos laterais do pavillón pola colocación de material translúcido en parte do tellado, o que permite a entrada de máis luz natural.

Outras melloras foron a eliminación de humidades na pista, xa que foi instalada sobre unha capa de dez centímetros de formigón illante, a colocación de novas luminarias, o repintado das paredes e dos bancos e a dotación de novo material deportivo. Esta pavillón está habilitado para a práctica do fútbol sala, baloncesto, voleibol, tenis e balonmán.