PRESENTADO O LIBRO “ O PICO SACRO. O MONTE SAGRADO DE GALICIA”
Martes, 23 de Febreiro de 2010
Dentro do marco da actividades da XXVII Festa da Filloa, e previamente ó
comezo das actividades da mesma, tivo lugar a presentación do novo que o Concello de Boqueixón acaba de publicar.
O Pico Sacro. O Monte Sagrado de
Galicia, é unha nova guía histórica e cultural sobre o Pico, en palabras do
Alcalde Adolfo Gacio, " e a publicación máis completa e veraz de todas cantas se teñen
publicado". Este libro recolle así toda
a historia, lendas e realidade que historicamente xerou este "Monte Sagrado"
para darnos unha completa e clara visión do mesmo.
MILES DE PERSOAS VOLVEN A ATEIGAR LESTEDO NA XXVII DA FESTA DA FILLOA
Martes, 23 de Febreiro de 2010
A pesar das alertas meteorolóxicas e do día desapacible, miles de persoas,
máis de15.000 segundo os organizadores,
volveron a achegarse a Lestedo para degustar e participar nas actividades da
XXVII FESTA DA FILLOA.Dende primeira hora da manán a máquina das filloas estivo ateigada de xente
que quería probar e degustar este manxar típico de Entroido ó que cada domingo
de piñata se lle rende culto en Lestedo.
O momento de máis afluencia de público foi á lectura do pregón, este ano a cargo da actriz e veciña María
Mera, quen quixo deixar claro a súa dobre nacionalidade, compartida con Vedra, antes de comezar un pregón no que quixo
comparar a FILLOA co personaxe que ela interpreta na serie Matalobos.
O CONCELLO DE BOQUEIXON RECIBIRÁ MAIS DE 87.000 PARA A MELLORAS DAS INFRAESTRUCTURAS RURAIS
Venres, 19 de Febreiro de 2010
87.785,76 € é o total da inversión que o Concello de Boqueixón vai a
recibir gracias ó acordo asinado esta mañá
entre este concello e a Consellería de Médio
Rural. Este axudas enmárcanse dentro do
programa de Proxectos Estratésixos de Infraestruturas no Medio Rural, PEIM Rural
e están destinadas a dignificar e
mellorar a calidade de vida nas zonas rurais e a maior parte delas estarán
destinadas á ampliación dos servizos básicos e a mellora do pavimento das
estradas do concello.
Concello de Boqueixón
