Por unha banda está a obra de construción de beirarrúas no lugar de Vigo, unha obra que conta cun investimento de 85.444,53  € e que mellorará a seguridade vial, especialmente dos peóns,  desta parroquia boqueixanesa. A obra de construción de beirarrúas levará consigo a colocación de case 700 m2 de pavimento de formigón pulido é o mesmo tempo realizarase a canalización e soterramentos de servizos así como a recollida de pluviais.

O outro dos investimentos mellorará o pavimento do camiño que vai da a AC -240 ata o lugar de Santaia, na parroquia de Codeso. Este tramo de vía que supera os 400 m vaise a cubrir cunha capa de aglomerado quente, mellorando así o pavimento e arranxando os marxes e gabias. Esta obra suporá un investimento de case 35.000 €.

As dúas obras foron adxudicadas provisionalmente a empresa Hermanos Couto Fandiño S.l.

Así pois o Concello de Boqueixón investirá máis de 120.000 e na mellora de servizos e das vías de comunicación do concello, uns investimentos que, en palabras de Jesús Sanjúas, alcalde en funcións do concello,  sequen  a liña marcada polos gobernos de Boqueixón nestes últimos anos, na que se leva  apostando pola calidade e accesibilidade de todos os servizos  así como por  unha rede viaria moderna e segura para todos os veciños e  condutores que diariamente usan as súas estradas.