30 mozos e mozas de Polonia, Grecia, Portugal, Bulgaria e España están a participar nun intercambio xuvenil organizado pola Asociación Cultural e Deportiva Záramo de Sergude. Baixo o título Noite, Mozos e Alcol este proxecto pretende concienciar e facer reflexionar os mozos e mozas europeos sobre as traxedias que anualmente provovan os accidentes de tráfico e especialmente centrarse sobre a problemática da conduciión baixo os efectos do alcol nas horas de ocio e lecer.

Estes 30 mozos tiveron a oportunidade de coñecer o noso Concello, onde foron recibidos polo Alcalde en Funcións Jesús Sanjuás, quen lles dou a benvida a todos os participantes e felicitou ós organizadores deste proxecto. 

A Oficina de Información Xuvenil do Concello de Boqueixón, vai organizar este fin de semana, concretamente na tarde do sábado 3  de Outubro un descenso en Kaiak polo Río Ulla.

A Saída será dende o Campo do Río en Ponte Ledesma e o punto de chegada a ponte vella de Ponte Ulla. 

Se queres pasar unha tarde diferente, coñecendo o Río dende un punto de vista diferente e practicando deporte, non o dubides e inscríbete o antes posible.

 

O 19 de setembro comezará a funcionar unha nova ruta do servizo de NOITEBUS no concello de Boqueixón que terá como destino  un dos lugares de movida máis solicitados pola mocidade de Boqueixón que é o concello veciño de Touro.   O servizo terá un custo de 2 euros e fará a súa saída de Lestedo tódolos sábados  ás 23:00 h pasando posteriormente por varios lugares do Concello como Sergude, Forte ou Camporrapado.

Medio cento  de mozas e mozos de Boqueixón sairon esta mañan de viaxe para Alicante, nunca excursión organizada polo departamento de Cultura e Xuventude do Concello. 

A visita por terras valencianas está programada ate o próximo xoves e realizaranse visitas a Benidorm e o próximo luns ó parque de atraccións Terra Mítica.Na súa partida o alcalde Adolfo Gacio, e o Director Xeral de Xuventude, Ovidio Rodeiro, estiveron cos seus conveciños no aeroporto de Lavacolla.